目前最常見嘅治療白內障嘅方法，係透過手術切除混濁嘅晶體，並置入人工晶體。患者考慮接受手術前，可能會疑惑人工晶體可以用到幾耐？會唔會過期㗎

其實，一般情況下，完成白內障手術後，需要再更換晶體嘅機會好低，植入嘅人工晶體多數可以終身使用，毋須再更換。

喺極少數情況，例如︰已植入嘅人工晶體變得混濁、人工晶體位置異常、眼睛出現其他病變，引起視力問題或不良反應，到時就可能需要考慮更換。

現時使用嘅人工晶體一般分為單焦點、散光型及多焦點，選用邊種晶體視乎患者嘅眼睛健康情況及視覺需求，

眼科醫生經過術前詳細檢查及評估後，會建議較適合患者嘅人工晶體置換方案。

#白內障人工晶體 #人工晶體壽命 #白內障眼科 #白內障手術 #白內障 #白內障治療 #香港白內障 #眼睛白內障 #白內障成因 #白內障手術收費 #白內障先兆 #希瑪眼科